عمت الفرحة دار آل بيرم وآل القاسم وذلك بمناسبة زفاف ولديهما، حيث أحتفل الشاب علي القاسم على الشابة جنان بيرم
كريمة الأديبة والشاعرة والأعلامية مروة جهمي، بحفل بهيج أقتصر على العائلة.
من أسرة مجلة الحقيقة نيوز نتقدم بالتهئنة للعروسين وبالرفاه والبنين.
وقد وجهت الإعلامية مروة الجهامي رسالة إلى ابنتها بهذه المناسبة:
كبرت البنوتة الصغيرة وصارت صبية كبيرة
كبرت أميرتي وصار عندها قلب يحب ويدق وقالت يا امي حبيت
وصار لازم فل
من هالبيت
ياما بقلبها حطيت
كل حبي وحناني أعطيت
ياما لقمتها بأيدي
ورويتها من مي عيني
طعميتها من لحمي
وغذيتها من دمي
.ياما سهرت ياماما ليالي
كرمال تغفي
وحطيتك بعيوني
ياما غنتلك امك الحنونة وسكنتك بجفوني
كبرت عصفورتي الصغيرة وغردت خارج.السرب
وصار عندها جوانح بدها تطير لبعيد وتروح عند الحبيب ،…. وتبني بيتها الصغير بالحب الكبير وتسافر مع احلى امير،،،.. ،،،…..
طلت بفستانها الأبيض متل البدر لما يهلّ
احتارت عيوني انا شايفة ياسمين او فل
وجهها نور مشعشع احترت وجهها ولا الصبح هلّ
مثل القمر متل بزوغ الفجر
لما يطلّ
متل اشراقة شمس بنورها بهرت الكلٍ
البدر غار من جمالك وأستحى من غنجك ودلالك
دخل الله اللي اعطاني اياكي بيك بيتباهى فيكي
وانا واخواتك
فرحانين فيكي
أخلاق وعلم وفهم
جنان وجنة الكون الله خلقها فيك
الحمدلله ربي فرحني فيك،،…. الله من عنده يهنيك
والرب يحميك
ويبعتلك ايام حلوة ،،… ويحققلك كل احلامك وكل أمانيك
حبيبتي يا أمي،…. وصيتي إلك أبني بيتك بالحب والحنان وحافظي على زوجك مهما غدر فيك الزمان وكوني للوفا والأخلاص عنوان ،،…. هيك بشوف حالي فيك ،،…ومتل ما اهلي ربوني بربيكي ربي يوفقك ويبارك زواجك ويحرسك الرب ويصونك ويحميكي
